عايزة اشارككم بمعنى صغير

ف سفر التكوين اصحاح 20 وعدد 6

القصة بأختصار بتتكلم عن ابيمالك لما شاف سارة وعجبه شكلها وكان ابراهيم من خوفه ان حد يعرف انها مراته قال انها اخته
وهى فعلا اخته بس دى نص الحقيقة لانها كانت مراته
واخد ابيمالك سارة بما انها مش متجوزة على حد علمه... وف حلم جه ربنا بنفسه لابيمالك عشان يعرفه انها ست متجوزة ولو قربلها هيموت
وابيمالك فعلا مكنش يعرف
وقاله يارب الم يقل هو لى أنها اختى ؟ بسلامة قلبى ونقاوة يدى فعلت هذا
ابيمالك فعلا مكدبش هو حقيقى مكنش يعرف

والجزء القوى فالقصة كلها
احلى كلام قاله ربنا لابيمالك
(انا ايضا علمت انك بسلامة قلبك فعلت هذا وانا ايضا امسكتك عن تخطىء الى لذلك لم ادعك تمسها)

يعنى لو كان ابيمالك لمس سارة كان هيكون عنده دفاع قوى قدام ربنا (يارب انا معرفش هو قال انها اخته)
وكان الموضوع هينتهى ولكن لان الهنا قدوس ولانه يهمه اننا احنا كمان نكون قديسين
مستناش لحد ما الغلط يحصل وييجى بالكرباج عشان يدين
لا
ده حفظ ابيمالك من الغلط بنفسه
امسكه عن الخطية
لانه يهمه انه يفضل نقى وميتنجسش بالخطية حتى ولو ارتكب الخطية بسلامة قلب
وعن عدم معرفة ما بالكم بالخطايا اللى عن عمدوقصد وفهم انها ضد افكار الرب
حقيقى كل مرة اكون بفكر بفكر العالم واقرر اتصرف بطريقته اللى مش بترضى الرب ولا بتمجده

اسمع صوته يقوللى انا امسكتك عن ان تخطئى الى

انا عايزك نقيه قلبك زى قلبى
فكرك زى فكرى
خلينا بجد دايما نفكر ان الرب عايزنا على شبه ابنه يسوع
نتغير الى تلك الصورة عينها من مجد الى مجد
والرب يحفظنا من كل شر او شبه شر
امين

جميل جدا وهذا ما نقع فية جميعنا وهى خطية كان خارج ارادتى
او مكنش قدامى حل اخر
وكأننا نلتمس العذر لانفسنا
نرجو من رب المجد ان يعطينا ان نحاسب انفسنا محاسبة حقيقية
شكرا على الموضوع وربنا يبارك فى خدمتك